Haust

2012-01-06T09:35:00.000+01:00

På siste verset

I dag er det 13. dag jul. Eg vurderer om juletreet skal ut i dag, eller om det skal få stå eit par dagar til. Vi får sjå, vi får sjå. Sviblane er eg i alle fall ikkje ferdig med enno. Håper dei varer ei god stund til!

God fredag til deg!

2012-01-05T20:42:00.000+01:00

Nyttårsvest

Dei siste trådane og knappen i denne vesten vart festa om formiddagen nyttårsaftan, akkurat i tide til nyttårsfeiringa. Med kvitskjorte under fungerte den godt som festplagg. Til kvardags er den like fin med ei enkel langerma trøye under. Tommelen opp! :)

Ravelry-link her, link til gratisk mønster finn du her.

2011-12-30T23:28:00.000+01:00

Ah...

Nye bøker i julepresang + ny sofa = bra match!

2011-12-27T12:18:00.000+01:00

Uvérsstrikk

Ein oppattrekt UFO får nytt liv som "Babys uldne undertrøje". Ettersom garn og pinnar er tjukkare enn det som er foreslått i oppskrifta, tenker eg denne skal passe til treåringen. Eg starta på dette prosjektet for nokre veker sidan, og mista litt gnisten undervegs, men det forrykande julevéret vi har denne jula, har gjort at strikkelysta mi er tilbake. Strikk, strikk...

2011-12-25T11:31:00.001+01:00

Forblåst

Det vert ei nokså luftig jul, med "Dagmar" hylande rundt hushjørna, men vi får skalke lukene og kose oss innandørs.

I gangen vår står eit minne om "Berit" som besøkte oss tidleg i desember. Eg skvatt bra då denne greina kom ramlande ned frå den staselege furua utfor huset vårt og traff stovevindauget! Etterkvart fekk greina opphaldstillatelse i gangen. Trur ho likar seg godt der, innhylla i glitter og lys!

God 1. juledag til deg!

2011-12-23T20:44:00.000+01:00

Jul

Då er det aller meste er i orden til julefeiring her hos oss,
og det er godt å krype opp i sofaen berre ta det heilt med ro.

Medan eg sit her, har eg lyst å ynskje deg og dine
ei velsigna julehøgtid.
God jul!

♥

2011-12-17T07:01:00.002+01:00

Candlelight carol

Ein for meg nyoppdaga song.
Den går inn blant julefavorittane!
Lytt her.

Edit: Gløymde å legge til at Divisi har ein norsk versjon av denne songen på juleplata si.
Spotify-link her.

2011-12-14T15:14:00.001+01:00

Ein pust i bakken...

...nokre ledige minutt med kaffikoppen på kjøkkenet.

Hugs å ta deg ei pause, du òg! :)

2011-12-13T20:47:00.000+01:00

Lucia

2011-12-04T19:02:00.000+01:00

Stjerner - og trekning i lotteriet mitt...

Som de ser; eg er igang med stjernebrettinga igjen. Så kjekt!!! Akkurat desse stjernene er laga av papir eg har mala med vassfargar. Stjernebrettingskunsten kan du til dømes lære her.

Så har eg hatt trekning i det lille blogglotteriet mitt. Pungen var det Karianne med bloggen Fra huset i svingen som vann, og bambistempelet vart vunne av Marie Elise (utan blogg). Tusen takk til alle som ville vere med, og gratulerer til vinnarane! :)

2011-12-02T21:09:00.000+01:00

I vindauget

Med eit syltynt lag desembersnø som bakgrunn, står adventsstaken i gangen og lyser så triveleg for den som måtte gå forbi, inne eller ute. No får han lyse litt for deg som er på tur gjennom bloggen min, òg. :)

God fredagskveld!

2011-12-01T18:56:00.000+01:00

1. desember

Så er det 1. desember. Adventsstaken kom sjølvsagt på plass på søndag, og er den same som i fjor...og året før der igjen...og sikkert året før òg. Av og til kunne eg tenkt meg å lage nye og kreative adventsstakar/lysfat frå år til år, men så er det no kjekt å ha ein skikkeleg tradisjonsstake òg. :)

Det som derimot er nytt, er heimelaga betonglysestakar til telys. Eg let meg inspirere av Mrs Hardy, og sette igong med sementblanding utandørs saman med Minsten. Veldig kjekt! Og resultatet vart slett ikkje dumt, synest eg!

Prosjektet kan anbefalast, med andre ord.

Då skal eg samle troppene for ein smak på pepperkakene til kvelds!

Ha ein god desemberkveld!

2011-11-28T21:43:00.000+01:00

Heimebakt brød...

...det var lenge sidan sist!

*klappar meg sjølv på skuldera*

2011-11-28T10:17:00.000+01:00

Tikk takk

Denne skjermspararen likar eg! Eg fann han her, via Brinja sin herlege blogg.

Hugs å ta deg eit lodd i blogglotteriet mitt! :)

Trekning 4/12-11.

2011-11-25T10:58:00.005+01:00

Blogglotteri

Har du lyst på ein liten førjulspresang i posten? Eg har kjøpt eit par ting på Etsy, som eg har lyst til å gi til to av dykk som er innom bloggen min.

Den første premien er dette nydelege lille bambistempelet som er laga av Craftpudding, som også har designa den fine Haust-logoen min. Stempelet er sjølvsagt ubrukt, prøvetrykket du ser på biletet har eg laga med mitt eige bambistempel. Eg måtte då ha eit sjølv og, hehe! Eg sender også med ei lita stempelpute, slik at vinnaren kan setje igong med stempling av til/frå-lappar og anna kjekt med ein gong. :)

Håper forresten at Craftpudding åpnar Etsybutikken sin igjen snart, den ser ut til å ha vore stengt ei tid...

Premie nummer to er denne fine pungen, kjøpt hos Bagitarian. Den kan sikkert brukast som ei litt stor lommebok eller ein liten sminkepung.

Alt du må gjere for å vere med i lotteriet mitt, er å legge att ein kommentar under dette innlegget. Dersom du ikkje har eigen blogg, må du legge att e-postadressa di, slik at eg når tak i deg om du skulle vinne.

Eg trekk vinnarane søndag 4. desember.

Lukke til! :)

2011-11-24T13:44:00.000+01:00

Fiolett

Eg er litt ekstra glad i kvite sviblar, men eg må jammen seie at desse fiolette eksemplara kvikkar opp i stova ein grå og forblåst novemberdag. Akkurat denne nyansen likte eg svært godt!

Tenkte forresten at det kanskje er fleire som ville setje pris på litt oppkvikking sånn i slutten av november, så i morgon slår eg til med eit lite blogglotteri her hos meg. :)

Fortsatt god torsdag til deg...

2011-11-21T18:03:00.000+01:00

I dag...

...heklar eg ulne juletre. Oppskrifta fann eg her.

2011-11-20T16:20:00.000+01:00

Duftlys (?)

Eg måtte prøve meg på duftlys eg òg: telys og kaffibønner på norgesglas. Men enten så er kaffibønnene mine blitt for gamle til å dufte noko særleg, eller så er eg for tett i nasen til å kjenne det, for duft vart det dårleg med. Eit fint blikkfang vart det likevel...

2011-11-19T09:38:00.000+01:00

Laurdag morgon...

...noko av det beste som finst!

God laurdag til deg!

2011-11-11T17:31:00.001+01:00

Mjau...

Pusekatt på nykosta trapp. :)

Eg og Minsten har vore på jakt etter mose i dag. Inspirert av denne dama og denne dama, tenkte eg å fylle nokre av dei tomme blomsterkrukkene ute med mose. Lurt!

2011-11-10T09:53:00.001+01:00

Litt nytt på ein torsdag

Svibelsesongen er i gong! Hipp hurra! Dei stod der på matbutikken og ropte på meg, og eg kunne ikkje gå forbi!

Ser du den nye puta mi, forresten? Eg brukte ei ledig stund her eine dagen og sydde eit nytt putetrekk. Fint med litt nytt i sofakroken til vintersesongen. No blir det snart meir fornying, for vi har bestilt oss ny sofa. Ein som både er fin å sjå på, og god å sitje i.

(Hipp hurra ein gong til!)

Håper dei greier å levere den før jul!

I mellomtida skal eg nyte sviblane mine, og dagen.

2011-11-08T09:50:00.000+01:00

Ein liten tjuvstart

Eg prøvesmakar litt på jula med Indiska sin julekaffe (smakssett med kanel) i ny Mummikopp. Denne kaffien kosa eg meg med også på desse tider i fjor, og eg har sett fram til at den skulle kome i salg igjen. No sikra eg meg to posar, og dei varer ei stund, ettersom eg blandar den med vanleg filtermalt kaffe. Ei skei julekaffe pr liter er passe, synest eg; berre eit hint av kanel - og jul.

Og Mummikoppen: ny favoritt! :)

2011-11-07T12:37:00.000+01:00

Viktig i november:

- Å ha eit solid lager av stearinlys!

God måndag!

2011-11-06T21:19:00.000+01:00

Ein hals til...

Hals nummer to var klar til fotografering på trappa i dag tidleg. Den er strikka etter same mønster som den forrige, men eg la opp 20 maskar mindre enn det som var oppgitt i mønsteret for at den skulle passe til Storesøster. Eg lot også vere å strikke "snurr" denne gongen, og synest det fungerer heilt fint.

Ravelry-link her, og link til mønseret finn du her.

Takk til Marte som deler mønsteret sitt med oss aldeles gratis. :)

2011-10-31T11:06:00.001+01:00

Oppvaskklut...

Heimelaga oppvaskklutar, ja! Eg har sett diverse variantar av dei rundt omkring, men har vore litt småskeptisk til om dei fungerer like bra som dei tynne kjøpeklutane (type bomullsgas) vi vanlegvis brukar. No skal det imidlertid prøvast ut, for her er min første heimehekla oppvaskklut. ;)

Det var Noralill sine koselege klutar
som inspirerte meg til å dra fram bomullsgarnet mitt og hekle denne.

Eg brukte dette garnet, og heklekrok nr. 3,5.
Ravelry-link her.

2011-10-30T14:48:00.000+01:00

Roser sist i oktober

Ein av fordelane med den milde hausten vi har hatt, er at det fortsatt er nokre roser att i hagen. Det er luksus å fortsatt kunne plukke inn roser når det straks er november!

Rosene på bordet vårt er 'Heritage'.

Fortsatt god søndag til deg!

2011-10-28T14:23:00.001+02:00

God of the impossible

My biggest storm, one drop of rain

My raging fire, a candle flame

My deepest ocean is like a puddle at Your feet

My darkest valley, my greatest mountain

They are Your prairie for You are constant

Your ways are higher than any other

So I will sing

God of the impossible

Maker of all miracles

I stand in awe of You

I'm so amazed by how You

Reach into my brokenness

Make me beautiful again

I believe

Yes, I believe

Nothing is impossible with You

When I am weak

You are my strength

And all Your power is made complete

You turn my failures to victories

Hallelujah, hallelujah

God of the impossible

Maker of all miracles

I stand in awe of You

I'm so amazed by how You

Reach into my brokenness

Make me beautiful again

I believe

Yes, I believe

Nothing is impossible with You

Healer, Healer

I'm restored by a healer

Provider, Provider

I am filled by a provider

Deliverer, Deliverer

I'm saved by a deliverer

Savior, my Savior

I'm redeemed by a savior

God of the impossible

Maker of all miracles

I stand in awe of You

I'm so amazed by how you

Reach into my brokenness

Make me beautiful again

I believe

Yes, I believe

Nothing is impossible with You

Sarah Reeves "God of the impossible".

Sangen kan du høyre på Youtube eller Spotify.

2011-10-23T21:05:00.000+02:00

Autumn in New York

...og på Sunnmøre. Biletet vart knipsa på tur i dag, i mildt og fint haustvér.

"Autumn in New York" kan du for eksempel finne her.

(Takk til Ingvild som gjorde at eg oppdaga denne plata!)

2011-10-22T17:26:00.000+02:00

Laurdagssysler

Ei nymalt og lyseblå lita hylle og tilsvarande bord står i kjellaren og tørkar, eit vottepar har fått festa alle lause trådar og er klar til bruk. Ein spasertur og fine kaffipausar har eg også fått lagt inn denne laurdagen. Slik skal det vere!

Ravelry-link til Hugin& Munin-vottane, oppskrifta fann eg her.

2011-10-11T19:48:00.000+02:00

Vottar med granbar

Det kan kanskje synest som om bloggen min har blitt ein rein strikkeblogg, og det var eigentleg ikkje meininga. Men eg er inne i ein skikkeleg strikkestim om dagen, og då vert det berre slik. ;)

No er det granbarvottane mine som er ferdige. Som eg fortalde tidlegare, er dei strikka etter mønster frå Selbuvotten. Eg likar mønsteret godt, og er forsåvidt fornøgd med vottane, men eg merka at det var mykje vanskelegare å få eit jamt resultat med Hifa 2 enn med tjukkare og glattare garn, som eg har vore van med å strikke selbuvottar i tidlegare. Litt irriterande, men det vil kanskje bli mindre synleg når vottane kjem i bruk og tovar seg litt? Dei vert i alle fall gode og varme til vinteren.

Tips for ekstra varme: Putt eit hanskepar inn i selbuvottane, så bles ikkje vinden så lett gjennom dei.

Ravelry-link.

2011-10-09T11:27:00.002+02:00

Roggbif...

Raud, oransje, gul, grøn, blå, indigo, fiolett.

To regnbogegensrar vart det. Då Minsten såg genseren eg heldt på å strikke til Storebror, bestilte han seg ein, han òg. Så var det ikkje anna råd enn å strikke ein til. Begge gensrane er litt store enno, men så varer dei ekstra lenge. Og mottakarane er svært fornøgde. Eit tilfredsstillande strikkeprosjekt, med andre ord.

Ravelry-link nr. 1.
Ravelry-link nr. 2.

2011-10-06T11:34:00.001+02:00

Selbustrikk

Brrr...det er surt ute! Når nysnøen er komen på dei høgste toppane i synsranda, kjennest det plutseleg veldig viktig å strikke nye vottar til vinteren. I fjor sleit eg hol på favorittvottane mine, også det eit par selbuvottar i koksgrå/naturkvit. No har eg starta på eit par i eit mønster eg fann i denne boka, og eg storkosar meg!

Selbustrikk er moro! :)

2011-09-27T21:01:00.001+02:00

Rett, vrang, rett, vrang...

Så er halsen i perlestrikk ferdig.

Kjenner på meg at den vert ein favoritt!

Ravelry-link.

2011-09-25T16:11:00.000+02:00

Svelesøndag med strikk...

I dag strikkar eg på denne.
Ravelry-link.

2011-09-16T10:59:00.000+02:00

35 år, og klar for nye leseopplevingar!

Javel, javel, så rundar eg altså 35 år i dag. Litt rart, men eigentleg heilt i orden. Årets gebursdagsgåve frå mannen var ein Kindle, som stod høgt på ønskelista mi. Den kom i går, og eg klarte ikkje å vente med å åpne den til i dag, så den er alt tatt i bruk. ;)

Om du ikkje kjenner til Kindle, så er det altså eit lesebrett, der ein kan lagre opp til 3500 bøker. Kindle er knytt opp mot Amazon, så norske e-bøker kan ikkje lastast direkte inn på denne. Men i det siste har eg likevel lese mykje engelsk, så det synest eg er heilt OK. Engelske bøker er jo også billege.

Min Kindle har 3G, og eg kan difor kjøpe nye bøker direkte frå lesebrettet og få dei direkte overført på nokre sekund same kor eg befinn meg. Heilt merkeleg at det går an, synest eg, men den første boka kjøpte eg via internett medan Kindle'n min enno var i posten, og den låg klar til lesing på lesebrettet då eg åpna pakken. Reine trylleriet! ;)

Den store fordelen med eit slikt lesebrett, samanlikna med å lese til dømes på ein PC eller Ipad, er at skjermen ikkje er opplyst bakfrå, slik at ein ikkje vert sliten i augene av å lese over lengre tid. Det er som å lese ei vanleg bokside. Dermed kan ein også lese bøker ute i sola utan å få gjenskin og problem med å lese teksten. Og så er den lett og slank, og difor kjekk å ha med seg i veska. Har kjøpt meg eit fint etui til reisebruk på Etsy, det må eg vise dykk ein annan dag.

Gler meg til fine lesestunder med denne utover hausten, førsteinntrykket mitt er i alle fall svært godt.

...og eg er ikkje sponsa, berre begeistra. ;)

God fredag!

2011-09-13T17:12:00.000+02:00

Regnbogestrikk

Kjekt å sitje med ein regnboge mellom hendene ein regnvåt ettermiddag! Eg har drege fram att regnbogegarnet mitt igjen, og i kombinasjon med lys grå nøstebarnull skal det bli ein lett og lun ullgenser til Storebror. Dette er strikk som er nesten umogeleg å leggje frå seg; det er så spanande å sjå fargeskifta vekse fram. Må liksom berre strikke eeei stripe til...og så ei til...og ei til. :)

Vil du sjå tunikaen eg har strikka av dette garnet tidlegare, finn du den her.

No må eg berre strikke ei stripe til...

2011-09-11T16:30:00.000+02:00

Søndag

2011-09-10T20:38:00.000+02:00

Høgt i det blå...

Vi har hatt stillas på huset ei tid no, og eg har hittil takka pent nei til tilbod om å kome opp for og sjå på utsikta. Eg likar meg eigentleg best på bakken. Men kva skal ein gjere, når mannen står der ute har bruk for hjelp oppe under mønet? Då er det berre å ta seg saman og klatre opp. Og når eg berre fekk tenkt meg opp, så syntest eg faktisk at det var nokså fint der oppe. Der var både frisk haustluft, blå himmel og prima utsikt utover fjord og fjell.

Og til dei nye vindauga våre, som eg forøvrig er svært fornøgd med!

Men det skal seiast at var det godt å plante føtene trygt på bakken igjen etterpå.

2011-09-08T19:04:00.000+02:00

Detaljar

2011-09-05T11:10:00.000+02:00

Sitjeplassar

...ute...

...og inne.

Eg er forresten godt igang med eit nytt 365-prosjekt. Dersom du har lyst å ta ein titt, finn du det her.

2011-08-30T21:16:00.000+02:00

I kjøkenet

I kjøkenet ein tysdag i august.

2011-08-28T08:43:00.000+02:00

Øs pøs

I dag kjennest det verkeleg som om hausten er her. Makan til regnvèr! Fram med stearinlys, tøfler og strikkejakke! :)

2011-08-27T11:23:00.000+02:00

Helg

2011-08-24T09:56:00.001+02:00

Hurtigruta

Av og til slår den meg berre, "hurtigrutekjensla", når eg ser ut stovevindauga våre. Trur det må vere eit eller anna med lyset, som minner meg om turar eg har hatt med hurtigruta Ålesund - Bergen i mine studiedagar. I går slo det meg igjen, då eg sat på kjøkkenet og åt, og kasta eit blikk gjennom stova og ut. Og kameraet måtte fram. Fint å kunne reise med hurtigruta heime i sitt eige hus. Vert ikkje sjøsjuk heller. ;)

God onsdag!

2011-08-23T20:47:00.000+02:00

Music corner

Eg drøymer om at eit svart, vakkert og godt piano ein dag skal stå i stova vår.

I mellomtida er eg takknemleg for dette litt rare, brune instrumentet vårt, som trass alt ikkje høyrest så verst ut.

Og med eit lass fine bøker og dilldall på toppen, så ser det ikkje så ille ut heller. Trass alt. ;)

2011-08-17T19:04:00.000+02:00

Stilleben - ferieminne

Det vart igrunn lite interiørshopping på meg på årets sommarferie. Eg var innom fleire fine interiørbutikkar, men merkeleg nok var det ikkje noko som freista meg nok til å få bli med heim. Litt pynt til interiøret vart det likevel; i ei skål i stova vår ligg ei lita samling glatte skiferstein som eg og ungane plukka. Fine å leike med, gode å halde i handa. Skåla dei ligg i har eg forresten dreia sjølv, i mine dagar som student på Kunst & Handverk på lærarskulen. Ho har vore parkert i eit skap nokre år, men no trur eg ho vart litt glad for å få kome fram i lyset att. ;)

2011-08-08T10:46:00.001+02:00

Svenskekopp

Det er måndag formiddag, og eg supar kaffi frå den nye koppen min; som eg var så heldig å få som takk for vatning av blomstrar i sommar. Koppen er frå Paradisverkstaden i Sverige, og vart raskt ein favoritt!

Og sommaren, den tuslar mot slutten. Eg kjende meg att i det Anna-Malin skreiv i dag; at eit litt haustleg lys er i ferd med å smyge seg inn. Dermed er det berre å stå på med dette prosjektet:

...nemleg å få vestveggen vår ferdig før hausten. Vi har skifta ut dei slitne 50-talsvindauga på denne veggen med sjarmerande korsvindauge og skal få på ny bordkledning, og så vert det litt forandringar i forhold til vinterhagen. Det er no eit lite styr medan det står på, men det blir veldig godt å få det gjort! Og fint blir det; huset vert SÅ mykje finare, både ute og inne! Det kjem vel bilete i bloggen etterkvart, tenkjer eg. :)

Ha ei god veke!

2011-07-23T09:38:00.000+02:00

Bøn

Eg ber for Noreg, og for alle som har det vondt i dag.

Vær oss nær, o Gud.

2011-07-10T18:23:00.000+02:00

Utrygt for regnbyger...

På sommardagar med sol og regn om kvarandre er det fint å ha eit handarbeid å putle med. I desse dagar er det strikkejakke til Minsten som ligg lett tilgjengeleg i handarbeidskorga mi. Fin å trive med seg ut dersom sola skulle titte fram òg.

Jakka strikkar eg etter dette mønsteret, men med striper i grågrøn og petrolfarga alpakka i staden for det fleirfarga garnet som er foreslått. Trur det vert bra! :)

2011-07-04T20:31:00.000+02:00

Fotogen

Peon 'Sarah Bernhardt' frå eigen hage.

2011-06-24T20:39:00.000+02:00

Stripedilla

I dag var eg på posten og henta ein pakke med finfint innhald; stripete vase frå Kähler, kjøpt hos hviit.no. Må nok ut og finne ein fin blomsterbukett til den i næraste framtid, men enn så lenge står den tom - og er eit nydeleg kunstverk i seg sjølv.

Det var litt meir striper i pakken frå hviit, dei hadde fylt på lageret sitt med koppar frå Tine K, og eg kjøpte to stykker. Fine både til blomster og kaffe!

Og har du sett...jammen stilte enkelte i den yngre garde i matchande striper til middagen! ;)

God helg!

2011-06-21T20:34:00.000+02:00

I kveld...

...kan eg lene meg fornøgd tilbake i stolen, eg har nemleg planta ein peon i dag. Det er den tredje peonen i samlinga mi, navnet på den er Dr. Alexander Fleming. Frå før har eg Sarah Bernhardt og ein kvit som eg ikkje hugsar navnet på. No skulle eg berre hatt ein skikkeleg djuprosa!

Vil du lese meir om peonar, så ta ein titt i denne fine bloggposten.

Biletet i dette innlegget tok eg i fjor.

2011-06-20T13:14:00.000+02:00

You never are...

Francesca Battistelli - "You never are"

2011-06-19T23:00:00.000+02:00

Sommer, sol, søndag...

I dag vart det utflukt med saft, kaffi i termosen og gode helgescones à la Brigg i piknik-korga. Heilskjønt!

Om du ikkje fekk slappe av i vasskanten i dag, kan du drøyme deg vekk til lyden av bølgeskvulp her.

2011-06-16T09:09:00.000+02:00

Hyggeleg gjensyn

Siste dagane har eg kosa meg med å bla i utklippspermane mine. Før eg kvittar meg med gamle interiørblad, nappar eg ut reportasjar eg synest er ekstra inspirerande, og puttar dei i plastlommer i permar. Ikkje alt eg har teke vare på begeistrar meg like mykje no som då eg først såg det, men mykje er like inspirerande enno. Triveleg lesestoff til kaffien er det i alle fall.

Desse bileta er frå i går. I dag må nok ettermiddagskaffien nytast utandørs, for i dag vakna eg til knallblå himmel og strålande sol. Sommaren er her!

Ha ein god junidag...

2011-06-15T21:11:00.001+02:00

Nytt i stova: godlyd

For ikkje så mange dagane sidan kom det på plass noko nytt i stova vår. Ikkje akkurat augesnop denne gongen, dessverre, for direkte vakre å sjå på er dei ikkje, dei nye høgtalarane våre. Dermed får dei ikkje vere midtpunkt i dagens foto, du ser dei berre til høgre i biletet. Men godlyd jammen lagar dei godlyd! Det gamle settet hadde regelrett smuldra opp etter mange, mange års bruk, så det var på tide å investere i nytt. Mannen er veldig glad i alt sånt elektrisk, så høgtalarane fekk han plukke ut. Med visse rammebetingelsar lagt av underteikna, sjølvsagt! Det får vere grenser, liksom...hehe! (Høyrt om WAF?)

Dersom du måtte lure på kva slags høgtalarar vi har kjøpt, kan du sjå dei t.d. her. (NB! Dei har svart frontdeksel, dei koparfarga elementa visest altså ikkje.)

2011-06-14T14:33:00.000+02:00

Hah!

Eg lurte regnet og fekk planta ut krydderplantene mine mellom to regnbyger! No sit eg inne igjen, tørt og godt, medan regnet står for vatninga. Smart!

2011-06-13T09:28:00.000+02:00

Svart/kvitt

2011-06-12T20:53:00.000+02:00

Pinsedag

Første pinsedag:

- sein frukost med lupinar på bordet

- kaffe og ferskt interiørblad

- avslutningsfest på minileir

- familien samla i sofaen for å sjå "Sound of music" på DVD

- meir kaffe...og litt sjokolade

Aldeles finfint! ♥

2011-06-08T18:16:00.000+02:00

It that's time of year...

Så er rosesesongen igang! Årets første 'Louise Odier' står no på kjøkkenbordet og sender ut sommarduft! Ahhh...

2011-06-01T07:51:00.000+02:00

Den som ventar på noko godt...

Eg venta jammen ikkje forgjeves, men det har tatt si tid! I seks år har eg venta på at syrinen min skulle blomstre. Då eg planta den, var berre ein liten pinne; eit rotskot eg hadde fått av mamma, og det ante meg at den antakeleg ikkje kom til å blomstre dei første par åra. Men at det skulle ta SÅ lang tid, hadde eg ikkje trudd. "Jaja, kanskje neste år...", sa eg til meg sjølv, år etter år. Og endeleg, i år storblomstrar den!

Hei hurra, sanneleg var det verd all ventinga! Fortryllande vakker, er den, og så duftar den fantastisk!

I åra som har gått sidan eg planta denne første syrinen, har fleire variantar kome i jorda her hos oss, så har eg litt meir å vente på. Den som ventar på noko godt...

2011-05-31T18:07:00.000+02:00

Rabarbrasesong

Rabarbrasesongen er godt igang, og dei siste vekene har vi kosa oss med rabarbrapai, suppe, syltetøy...og sjølvsagt rå rabarbra dyppa i sukker. Sommarsmak!

Hugs å bruke denne fabelaktige veksten, dersom du har ei rot i hagen. Og dersom du ikkje har, må du skaffe deg ei! ;)

Rabarbrapai er min favoritt, og eg brukar denne oppskrifta. Den er enkel å lage, og smakar fantastisk godt til vaniljeis. Nam! :)

2011-05-28T09:21:00.000+02:00

God morgon!

Laurdag! Min dag starta med frukost etterfulgt av ein latte.

Alle lattekoppane mine var opptekne, enten i full gang med å bli vaska i oppvaskmaskina, eller - som koppen i bakgrunnen - med å fungere som vase for Rhododendronkvastar. Dermed måtte det bli latte i glas i dag.

Konklusjon: Latte er best i lattekopp!

Godt påskudd for å kjøpe fleire lattekoppar??? ;)

2011-05-27T11:16:00.001+02:00

Stor stas!

I går kveld fekk eg beskjed av dei flinke jentene hos Norske Interiørbloggere at eg var blitt nominert av dei i kategorien "Interiør og hverdag" til kåringa dei skal ha på Glansdagen. Det er stas, det! Ta deg ein tur innom NIB og sjå dei andre nominerte!

Bileta i dette innlegget er tatt i hagen vår ein vakker maidag for eit par veker sidan. I skrivande stund er det litt meir grått der ute, men vi skal nok nyte dagen likevel.

Det håper eg du òg gjer! :)

2011-05-03T18:13:00.001+02:00

Gratis blomsterglede...

Det er heilt herleg å kunne fylle glas og vasar med blomstrar frå hage og grøftekantar igjen! Det er vel noko av det eg brukar å sakne mest gjennom den lange vinteren.

Akkurat no er det kvitveis og påskeliljer som lyser opp på borda våre.

Heilskjønt!

2011-04-28T20:16:00.000+02:00

Ny vri på kaffikunstfronten...

Det passar vel bra med eit hjarte i kaffikoppen dagen før dagen??? ;)

2011-04-25T12:58:00.000+02:00

Siste rest

I dag nyt vi siste rest av påska 2011.

Håper du og har ein fin 2. påskedag der du er! ♥

2011-04-23T20:03:00.000+02:00

Påskeutflukt...

Det må vere fint å vere ku i slike omgjevnader...ut mot havet! Det var fint å vere meg òg,

tuslande rundt på denne stranda ein solfylt langfredag.

Eg kan konstantere at påskemarsipan og bårebrus passar godt ihop. :)

2011-04-21T11:44:00.000+02:00

Påske

        "Men han vart såra for våre brot og sundbroten for våre synder.
        Straffa låg på han, så vi skulle ha fred,
        og ved hans sår har vi fått lækjedom."

Jesaja 53,5

"Because he lives, I can face tomorrow".

Lytt her.

2011-04-10T17:46:00.000+02:00

"Jeg blir så glad når solen skinner..."

"...jeg glemmer sneen som falt i fjor!"

Lytt - og bli i godt humør! :)

2011-04-07T13:03:00.000+02:00

Livsteikn

Enkelte synest det er "tyst" i bloggen min om dagen, så her er eit lite livsteikn. ;)

Eg lever og har det bra, det er berre den berømte bloggtørken som er på besøk.

Reknar med å kome sterkare tilbake om litt!

2011-03-24T19:06:00.000+01:00

Snø igjen, sa du?

Det snør igjen! Og eg stilte meg trassig opp i snøbygene med beskjæringgsaksa og klipte plomme- og epletre. Så bar det inn att til ein kopp varm latte. Ein får berre gjere det beste utav det. :)

2011-03-23T18:36:00.000+01:00

Hold på hatten...

I dag har eg vore ute i blæsten og henta inn gåsungar. Skal love at det var friskt!

2011-03-13T22:25:00.001+01:00

Resirkulering

Eg held fram med å grave i biletarkivet. I dag leikar eg med redigeringsfilter. Kjekt, det òg!

2011-03-12T20:51:00.000+01:00

Kos...

Slik kan ein også tilbringe ein laurdagskveld. Eg leitar i biletarkivet og leikar meg med å setje gamle bilete saman til nye kombinasjonar. Moro! :)

2011-03-11T19:40:00.001+01:00

God helg!

Fredag kveld:

Mannen har baka sjokoladekake, kaffien er varm på kanna. Perfekt!

God helg! :)

2011-03-09T15:57:00.000+01:00

"Jeg heter mars, og kan være stri..."

"...men solskinn kan det jo også bli!"

Den stemmer bra, teksten til Prøysen. I dag har vi hatt litt av begge deler; snøstorm og blendande solskin. Det høyrer visst med til våren.

2011-03-07T13:35:00.001+01:00

Ei lita vårfornying...

Eit av hjørna i stova vår har fått ny lampe. Golvlampen som stod der før har flytta til ein annan kant, og ein taklampe frå Ellos har no fått arbeid som leselys ved peisen.

Så var eg på loftet og henta ned korgstolen, og dermed vart denne kråa litt ny igjen. Nice! :)

2011-03-03T14:58:00.000+01:00

NIB - kjøkkenutfordring

No er det kjøkkenet som står i fokus hos Norske interiørblogger, og eg har vore i arkivet og henta nokre bilete frå vårt kjøkken.

Gå hit for å kome til utfordringa.

2011-03-01T10:58:00.001+01:00

Meir om latte art

Til dei som lurte på om eg hadde gode råd angåande latte art - det første eg må seie at det er ikkje kvar gong eg er like heldig med resultatet. Det kjem alt an på om eg greier å få fin konsistens på mjølka og får mikroskum; som ikkje er for stivt, og som har mikroskopiske, nesten usynlege bobler. I dag greide eg det ikkje, så biletet over er frå i går. Men det smakte bra likevel, altså! :)

For å få dreis på mjølkeskumminga kan det vere lurt å lese litt om dette på nettet, til dømes her. Og her les du meir om korleis du går fram når mjølka skal hellast i espressoen. Eg har også funne mange tips og triks som eg har hatt nytte av inne på dette forumet. Og vil du sjå filmsnuttar som viser kunsten, kan du til dømes starte med denne.

Så er det berre å begynne å øve - og atter øve.

Lukke til!

2011-02-28T17:52:00.001+01:00

Jaaa!

Etter at eg skaffa meg denne maskina, har eg har hatt mange rare forsøk på vegen mot "latte art". Latten smakar jo godt utan kunst i koppen òg, men det set litt ekstra spiss på opplevelsen å få eit blad eller eit hjarte i koppen. Og det er neimen ikkje heilt lett å få til denne kunsten! Men eg er på sporet, og i dag vart eg nokså fornøgd med resultatet. Så gøy det er å meistre noko nytt, noko ein har måtte streve litt for å få til!

God måndagskveld! ♥

2011-02-21T18:09:00.001+01:00

Jakke med rundfelling

Nokre av dykk lurte på forskjellig angåande strikkejakka eg viste i går, her kjem litt detaljar:

Mønsteret er frå "Strikk til nøstebarn", og den kan strikkast i storleikane 1/2, 1, 2 og 4 år.

Eg har strikka den i striper av finullgarn og PT2.

Mønsteret var veldig greit å fylgje, og eg er svært fornøgd med resultatet. Den sit som eit skot på guten, og ettersom den er tøyeleg og enno litt lang i ermane (vi brettar opp), vil den passe lenge. Ravelrylink her.

Ha ei god veke!

2011-02-20T15:00:00.000+01:00

Eg trur på våren!

I dag har eg sett bar bakke dukke opp der snø og is smeltar, og sjølv om vinteren ikkje har sluppe taket heilt enno, så veit eg at våren kjem! Snart!

Og den siste strikkejakka eg har laga til Minsten fekk knappar i går. Den vil lune godt gjennom siste rest av vinter.

2011-02-15T12:51:00.000+01:00

Nepalteppe

For nokre veker sidan skreiv Guro om eit prosjekt som eg fekk lyst til å bidra til; Tepper til Nepal. Du kan lese meir om det her, men kort fortalt går det ut på at nokre eldsjeler her i Noreg samlar inn strikka og hekla lappar som vert sydd saman til lune babyteppe. Teppa skal varme babyar i Nepal. Dei tar også imot ferdige teppe, så eg tok eit dykk ned i restegarnet mitt, og sette igong. Eg har lenge hatt lyst til å prøve å strikke eit teppe i "Log Cabin"-mønster, og dette blir eit slikt.

Her er ei til som er igong med Nepalteppeproduksjon, teppet hennar ser aldeles nydeleg ut!

Kanskje har du òg lyst til å bidra med ein eller fleire lappar - eller eit teppe? :)

2011-02-14T14:12:00.001+01:00

♥ ♥ ♥ ♥ ♥

Ikkje noko stormarkering av hjartedagen her i garden, men vi har både kakerestar og friske blomster etter morsdagsfeiringa i går.

Ikkje verst det heller!

Ha ein god dag! ♥

2011-02-11T17:48:00.001+01:00

Fredag...

Fredag - helgestemninga sig inn over heimen. Det er godt!

Bileta over tok eg tidlegare i veka som gjekk, ein dag eg hadde laga scones. Eg synest ikkje dei vart heilt vellukka, så no har eg leita i bloggarkivet mitt, og fann att linken til ei oppskrift eg synest fungerte. Eg baka desse den eine gongen, og så gløymde eg visst av dei. I helga får vi ta ei reprise. Kanskje puttar eg i litt grovt mjøl for å få ein litt sunnare variant.

Ellers må eg takke for skryt og gode råd i forrige innlegg. Eg let koppane stå i omnen ein time ekstra under herdinga, og håper det gjer susen. :)

God helg!

2011-02-09T12:57:00.000+01:00

Vi prøver igjen...

Eg veit ikkje om de hugsar dette prosjektet? Eg var jo så fornøgd med dei nye koppane våre. Men etter nokre vask viste det seg at motiva begynte å slitest vekk, sjølv om dei skulle tåle oppvaskmaskin - og eg berre vaska dei for hand. Nedtur!

No gjer vi eit nytt forsøk. Dei gamle motiva er skrubba vekk, og nye er teikna på. Denne gongen var det eg som teikna på motiva på dei to eldste sine koppar, ved å overføre figurar på frihand etter teikningar dei har laga tidlegare.

Enno er dei ikkje herda i omnen, det skal eg gjere i dag, når dei har tørka i 24 timar. Eg brukte den same porselenstusj som sist; denne.

Er det andre som har erfaring med denne tusjen, og som har vore heldigare med resultatet enn vi var første gongen? Gode tips?

Håååper det lukkast no!

Vil du sjå fleire koselege koppar med barnemotiv, blogga Brigg om nokre av sorten her.

2011-02-07T10:38:00.000+01:00

Manda morra blues?

Véret er temmeleg trist, og forkjøling ligg som ei skodde over heimen. Vi køyrer på med litt farge for å få opp humøret!

2011-02-03T11:56:00.001+01:00

Tulipanstudie

Eg synest det er fasinerande å sjå korleis ein bukett tulipanar utviklar seg i løpet av nokre dagar; frå tette knoppar til mjuke, åpne blomsterhovud med lange, bøygde stilkar. Akkurat no gler eg meg over eit par bukettar med lys rosa tulipanar i stova vår. Vakkert!

Vil du sjå ein fin liten tulipanfilm, kan du det her. :)

2011-01-31T08:46:00.000+01:00

Tänk att få vakna

Høyr Carola synge songen her.

Tänk att få vakna tidigt en morgon

Höra ett vårregn sjunga sin sång!

Jag älskar regnet som väcker jorden

Tack käre far för regnet du gav!

Tänk att få vakna tidigt en morgon

Höra en koltrast sjunga sin sång!

Jag älskar sången koltrasten sjunger

Tack käre far för sången du gav!

Tänk att få vakna tidigt en morgon

Se hur vår sol gör allting så skönt

Jag älskar solen som värmer jorden

Tack käre far för solen du gav!

Tänk att få vakna tidigt en morgon

Utan att sakna natten som var

Jag älskar livet som du har skapat

Tack käre far för allt som du gav!

2011-01-30T16:07:00.000+01:00

Søndag

Det er litt langt mellom innlegga i bloggen min om dagen, men eg er her, og eg har det bra!

Akkurat no nyt eg ein passeleg slakk søndag ettermiddag. Mannen er i ferd med å ordne skulebollar til oss, og den nydelege dufta av nybakt kjem sivande ut frå kjøkkenet i skrivande stund.

Ungane leikar i bakgrunnen, og eg har jammen tid til å berre sitte litt. Og det skal eg gjere også! :)

God søndag!

2011-01-24T17:53:00.000+01:00

Done!

Så kjekt det er å få gjort ting heilt ferdige! Strikkeprosjekta mine har ein tendens til å bli sett på vent når eg berre har litt att, som å feste trådar og sy i knappar. Men no er søte epleknappar komt på plass i ullvesten til Minsten. Mønsteret er frå boka "Strikk til nøstebarn". Eg strikka den imidlertid i babyull (ikkje totråds lammeull som er foreslått), og la på litt maskar i breidda og omgongar på lengda for å få den stor nok til toåringen (mønsteret er i babystørrelse).

Done!

2011-01-23T17:37:00.000+01:00

"I di hand er mine tider"

Så trygt å kunne kvile i dette!

(Fremst i bibelen min har eg testa eit av dei nye stempela mine, kjøpt på ebay etter å ha sett dei hos Liselotte.)

2011-01-22T10:47:00.000+01:00

Gråvér...

Oi, det er grått i dag!!! Striregn på blankis gjer det jammen ikkje særleg freistande å bevege seg ut.

Like godt å ta det roleg i starten, med lang og god frukost, kaffi...

...og litt lesestoff. I dag er det boka eg vann hos Katarina før jul som ligg på bordet mitt.

Ha ein fin januarlaurdag der du er! ♥

2011-01-21T13:05:00.001+01:00

Amaryllisen bryr seg ikkje...

Amaryllisen vår bryr seg ikkje om at jula er over - heldigvis! Så nydeleg som den er, kan den gjerne blomstre lenge! Det er ikkje kvart år eg har vore så heldig å finne rosa amaryllis i butikkane, men denne jula hadde eg hellet med meg. Eg synest den er så fin i akkurat denne nyansen!

Ellers strikkar eg eindel om dagen. I dag la eg siste hand på verket på ei jakke eg har strikka til meg sjølv, kragejakke frå "Strikk til nøstebarn". Dessverre har eg gjort ein bommert undervegs som gjer at passforma ikkje er heilt som den skal. Sukk. Dermed vert det visst eit plagg mest til heimebruk. Lang, god og varm er den, i alle fall.

No strikkar eg vidare på enda eit plagg frå nøstebarnboka; jakke med rundfelling - i kjekt rillestrikk. Denne er det Minsten vår som skal få.

Ja, og så er helga like rundt hjørnet. Den skal nytast!

God fredag! :)

2011-01-09T18:51:00.000+01:00

Jula er neeesten ute...

Rett før helga rauk juletreet ut, men eg har ikkje hatt hjarte til å fjerne alt som minner om jul - heilt enda. Eit englespel, kongerøykelsen, adventsstjerna og nokre juleblomstrar får stå ei ørlita stund til og lyse opp i vintermørket.

Ja, og så sinkhusa, då, men dei reknar eg eigentleg ikkje som julepynt, men vinterpynt. Akkurat dette huset fekk eg i julegåve. Det er litt større enn dei andre eg har, og rommar eit lite kubbelys.

Nokre dagar inn i det nye året dukka det opp ei Mariskål i stova vår. Eg var tenkt å gi den vekk til jul, men så fann eg ein annan presang til mottakar i staden - og skåla vart til overs. Og det passa forsåvidt bra, ettersom eg likar akkurat denne vassgrøne varianten så godt! ;)

God søndagskveld!

2011-01-01T12:54:00.000+01:00

Eit nytt år...

Eit splitter nytt år er igong!

Eg takkar for det gamle og ynskjer dykk alle saman

gode dagar i 2011! ♥

2010-12-29T17:22:00.001+01:00

Englekor...

Inspirert av Den gode feen laga vi nokre englar før jul. Eg hadde litt problem med å finne ein god plass å få vist dei fram, men lille julaftan stappa eg dei inn i ei bilderamme som står på ei hylle i stova vår - og der har dei stått og sunge for oss heile jula. :)

Mosaic - "Angels we have heard on high"

2010-12-26T15:25:00.000+01:00

Romjulsdrøm...

Vi lever gode romjulsdagar med ei passeleg blanding av spel, leik, tid til å lese, selskapelegheiter, god mat, og tid til å berre slappe av. Ein god, gamaldags julefest skal det også vere rom for. Alt ramma inn av det perfekte julevéret eg har snakka om tidlegare.

Håper du kosar deg, du òg! ♥

2010-12-23T21:33:00.001+01:00

God jul!

Med denne songen ynskjer eg deg ei god jul!

Helene Bøksle - "Lys til nattsvart jord"