Sommar i stova

Berre ein liten kikk inn i stova ein ettermiddag sommaren 2012. Roser på bordet, ny pute (frå Kremmerhuset) i sofaen...og julepynt (eller julipynt??) i vindauget! Eg synest snøkrystallpapirklippen fungerer fint til sommarbruk òg, eg. 

Tar du utfordringa?

For nokre dagar sidan kom eg over ei utfordring som eg har hengt meg på, og som eg har lyst til å dele med deg. Den amerikanske forfattaren Karen Kingsbury har laga ei gruppe på facebook som ho kallar "Karen Kingsbury New Testament Challenge". Utfordringa starta 15. juli, og dersom ein les eit kapittel kvar dag, har ein lest gjennom heile Det Nye Testamentet når ein kjem fram til påskedag. No oppdaga eg denne utfordringa nokre dagar etter at den var begynt, men eg les to kapittel kvar dag til eg er ajour.

Det er ikkje alltid så lett å få sett seg ned med Bibelen, men ei utfordring som denne kan vere ei fin hjelp til å kome igong med bibellesing. Og Kingsbury kommenterer kvart kapittel veldig fint inne på facebooksida, noko som kan vere nyttig når ein les ting som er vanskelege å forstå. Å bruke nokre minutt kvar dag på å lese Guds ord er i alle fall vel anvendt tid, for denne boka forandrar liv!

Leitar du fram Bibelen din og henger deg på du òg? Dersom du ikkje har Bibel, kan du til dømes kjøpe det her. Du kan også lese Bibelen gratis på telefonen ved å laste ned ein app her, eller lese på pc'en her.

God lesing!

Home, sweet home...

Etter ei fin og opplevelsesrik veke i Lillehammerområdet, kom vi i dag heim til Sunnmøre. Her sila regnet ned, men det var jammen godt å vere heime likevel. Eg måtte ta ein tur ut midt i ei regnbyge for å sjekke korleis det stod til med Sarah Bernard-peonane mine, og ein av dei vart med inn. Når det verste bagasjerotet var rydda av vegen, kaffitraktaren begynte å putre og lyset på bordet vart tent, då kunne eg lande. 

Borte bra, heime best...

Roser og atter roser...

Ingen tvil om at rosesesongen er i gong! Ute hos meg står Hurdalsrosa, Louise Odiér, Lykkefund og New Dawn i blomst. Snart fylgjer den gamaldagse kvite hagerosa og Maiden's Blush. Det er jammen luksus å ha  roser på bordet kvar dag!

På biletet over er det vakre og velduftande New Dawn som får vise seg fram i eit sukkertøy av eit loppefunn; ein gamal lysegul fløtemugge. Ein perfekt match, spør du meg!

Ha ein god onsdagskveld!

Trampolinekamuflasje...

Akkurat slik...

Akkurat slik må ein søndag gjerne ende.