søndag, august 29, 2010

Opp, opp...


Slik såg ettermiddagen min ut i dag, på tur med dei to største ungane. Gjennom skog og kratt, over stein og myr, opp på eit fjell for å få litt utsyn over verda. Det er gjerne eit tiltak å kome seg ut, men kjekt er det, når ein berre kjem i siget. For ikkje snakke om kor godt samvit ein får etterpå! No kryp eg godt opp i sofaen og nyt siste rest av helga. :)

laurdag, august 28, 2010

Laurdagsglimt

Laurdagsglimt frå spisebordet vårt. Akkurat no sit eg og myser bort på akkurat dette hjørnet. Trur nemleg eg (kremt...eller rettare sagt mannen) skal foreta eit lite lampeskifte der i næraste framtid. Ingen nye lampar, berre litt omrokkering på dei vi alt har. Trur det kan verte nokså stilig! Vent og sjå...! :)
Lyst på ein fin song, forresten? Trykk her!

onsdag, august 25, 2010

Å heisann, frøken Silvia...

Det har seg nemleg slik at eg i lengre tid har drøymt om å ha ei espressomaskin her heime. Eg leita opp ein god del informasjon om emnet på nett, og kom til at ei Rancilio Silvia kanskje kunne vere tingen, men eg syntest prisen var i drøyaste laget når det berre er eg som drikk kaffi her heime. Særleg dersom ein også skulle investere i skikkeleg kaffikvern, som eg forstod var alfa og omega for å få god kaffi ut av ei espressomaskin. Så kom eg på at eg kanskje kunne sjekke bruktmarknaden, og oppdaga at Rancilioen låg ute til salgs både tidt og ofte på finn.no. Men framleis var prisen litt for høg for min del. Heilt til mannen min kom over eit tilbod på ein svært lite brukt Rancilio + Rocky kvern til knallpris! Då var det berre å slå til!

Og i dag kom pakke på døra! Herleg!

Maskin og kvern vart vaska og deretter andektig plassert på toppen av oppvaskmaskina. Den ser då ikkje så verst ut, kva? Enn så lenge er den dessverre berre til pynt, for eg må få skaffa meg rensemiddel og gi både maskina og kverna ei grundig innvendig reingjering. Og så manglar eg mugge til melkesteaming, og ein pose duftande, nybrende kaffibønner. Når alt det er klart, er det vel berre å starte treninga, for eg har forstått at det krev litt innsats å lære å lage god espresso. Eg har funne ein god del lesestoff om dette, men dersom du har gode råd å gi, tar eg med glede imot dei! Så håper eg at vidunderet fungerer, og at eg snart kan leike kaffibar her heime! ;)
Du og eg
 

Vi veit å kose oss, eg og Minsten! Ete ein bolle, høyre humla suse…kan ein ha det betre? :)

fredag, august 20, 2010

Eplekakesesongen er igong!

I går fann eg norske epler på butikken, og då var det ikkje tvil om at det måtte bli eplekake til søndagskaffien! Jammen dumt det ikkje går an å dele den nydelege dufta som smyg seg ut frå steikeomnen as we speak!


Sitron, epler, kanel, vaniljekrem...eg må berre nok ein gong anbefale denne oppskrifta. Verdens beste eplekake!


No manglar berre kaffien, så skal vi nyte sesongens første eplekakake.
Eg kan nesten ikkje vente!

tysdag, august 17, 2010

Siste rest...

No nyt ungane siste rest av skuleferien. Ein einaste dag er det att av det som for eit par månader sidan verka som ei uendelegheit av tid! Heldigvis har véret vore godt nokre dagar, og vi nyt å kjenne litt sommar før hausten kjem. Men "skulestartlufta", den er her. Eg synest nesten eg kjenner duft av nye skinnpenal, blyantar og stive, blanke boksider når eg stikk nasen utfor døra. Men det er berre hausten som lurer rundt hjørnet. Snart er det eplekakesesong. Og eg gler meg. :)

PS. Rundstykka vi kosa oss med ute i dag, finn du oppskrift på her. :)

Midt i august

Inne:


Ute:


Ha ein GOD dag!

søndag, august 15, 2010

In Christ alone!

Dersom du vil ha med deg ein fantastisk flott sang i dag, sunge av Brian Littrell, finn du den her. Siterer og signerer brukaren som har lagt den ut på Youtube:
“May this be your song as well as mine!”

fredag, august 13, 2010

Kunst og handverk - summer edition

Når sommaren er her er det fint å ta målarsakene med utandørs. Friluftskunst!

Kjekt når alle ungane entusiastisk benkar seg rundt bordet med kvart sitt målarskrin!

Det er om å gjere å nyte stunda, for plutseleg vert enkelte distrahert av latter på ei trampoline i nærleiken, og borte vekk er dei...

Men eg og Minsten kosar oss leeenge. :)

Og kunsten får soltørke i vårt trivelege utandørs kunstatelier.

Her er også eit utslag av sommarleg kreativitet. Storebror vart inspirert av eit bilete i ei hobbybok og laga båtar til seg sjølv og til søskena sine. Mor smelta aldeles, sjølvsagt. ♥

God helg!

onsdag, august 11, 2010

Bollebakedag


Regnvér er perfekt bollebakevér. Etter formiddagsturen vår vart det litt kjedeleg her, og ei gjærdeig vart redninga. Vi brukte rosinbolleoppskrift frå denne boka (…som forøvrig er ei av dei finaste bakebøkene mine). Yum!

tysdag, august 10, 2010

Ang betalingsalternativ i Haustbutikken...


No har eg endeleg fått somla meg til å leggje inn "privat oppgjer" i butikken min på Epla. Det vil seie at dersom du ikkje vil bruke Paypal som betalingsløysing, kan du velgje "privat oppgjer". Når ein ordre med denne løysinga er registrert, sender eg kunden ein e-post med kontonummeret mitt. Varene vert sendt så snart eg ser at pengane er komt på kontoen min. Easy peasy. :)

fredag, august 06, 2010

Så vart det endeleg litt sommar...

...med sol som lokka oss ut døra for å...

...gå med nakne føter på solvarm skifer...

... henge ein nyvaska bluse til tørk i mild sommarvind...

...stikke nasen djupt ned i ei rose og kjenne at det luktar søtt...

...gle seg over synet av veden som karane har stabla opp bak huset...

6augb
...sitte ei stund på den nye hagebenken (lurt å handle på seinsommarsalg!)...

...og berre nyte livet!

I skrivande stund har det faktisk skya til att, men vi mistar ikkje motet av den grunn.

Vi skal ha ein flott sommardag, og det håper eg du òg skal! :)

tysdag, august 03, 2010

Kosar meg!

Ferien går sin gang, og eg kosar meg! Ettersom véret ikkje har vore tipp topp i det siste, har det vore god tid til å slappe av med innesysler. Sy...

...lese...

...planlegge og kjøpe litt nytt til haustgarderoben via nettet...

...og strikke litt nytt til den same garderoben.

JA, eg kosar meg! :)

Og handlenettet på det første biletet kan bli ditt, du finn det i butikken min.