Sommar + saltvatn

 

Ei av dei beste sommarduftene som finst er salt sjøluft! Havet lokkar ein solfylt sommardag, og vi har tilbrakt mange stunder ved kysten og langs fjordane dei siste dagane. Derav denne lille biletkavalkaden. Skal det vere litt bølgeskvulp til, kanskje? Det finn du her. ;)

Ynskjer deg ein fin sommarkveld!

PS! Ta gjerne ein titt innom Haustbutikken, eg har nemleg lagt ut mange nye pungar siste dagane. Vil du ha oppdatering via facebook, finn du det her.

Bryllaupsdag

I dag mimrar vi. Blar i album og et kake. Det er 10 år sidan vi stod framfor alteret og sa “JA” til kvarandre.

Tusen takk for 10 gode år, mannen min! ♥

(Biletet er eit utsnitt frå bryllaupsalbumen vår).

Klukk klukk

 

Tenk så koseleg å få lov å hente seg egg hos levande høner, og ikkje i kjøledisken på butikken! Særleg når hønene ikkje er mine og eg slepp å rydde i hønsehuset. “Bare på besøk”! ;)

Og i Haustbutikken er det no også ein litt mindre variant av vimpelrekkene mine.

God søndagskveld!

Sommarmat!

I dag var det fint og varmt ute, og eg hadde ikkje lyst til å stå inne og koke middag. Ikkje freista det å ete varm middag heller, men eg fekk lyst på litt caféstemning i hagen, så eg skunda meg inn og sette ei deig til baguettar. Det tok ikkje mange minutta, så eg var raskt ute i finevéret att og slappa av under parasollen medan deigen heva. Etter ein liten innsats inne igjen, med forming av baguettane, steiking (medan eg kokte egg og fann fram anna pålegg), fekk resten av familien kome inn og fylle ein baguett med sitt eige favorittpålegg. Og så var det berre å finne seg ein plass på utecaféen vår. Mmmm…

Dersom du også har lyst på nysteikte baguettar, får du oppskrifta mi her:

6 dl vatn
2 ss olivenolje
2 ts salt
25 g tørrgjær
14 dl kveitemjøl

Bland saman det tørre. Varm vatn og olje til det er litt varmare enn fingervarmt, og bland det inn i det tørre. La deigen heve 30 min.

Lag 6 avlange pølser, skjær evt skrå snitt i dei. Etterhev 25 min.

Steikast ved 200 grader, 15-20 min.

Stort og smått

Stort:

Vindmøller i havgapet. Eg skal ikkje gå inn i debatten om vindmøller langs norskekysten, eg berre konstanterer at dei sanneleg er imponerande og elegante, der dei står. Eg har aldri vore på kloss hald med vindmøller før, men i dag fekk eg sjangsen, og knipsa dette biletet.

Smått:

Det er kanskje lite samanlikna med vindmøllene, men det er likevel stort for meg:
Å finne den første Sarah Bernard-peonen i blomst i hagen vår. Denne har eg venta på! Og eg konstanterte raskt at vi må skaffe oss ein til. Slik at vi har ein å plukke i hus av, og ein som berre skal vere til glede utandørs.

Eg har fleire små gleder i hagen, eg! Oldemorrosa (arvegods frå oldemor sin hage) har såvidt starta blomstringa si…

 
…og rosa Lykkefund, som klatrar på det nye gjerdet vårt, står med hundrevis av knoppar. No er det er liiiike før!

 
Og denne favoritten smeltar hjartet mitt når den vandrar ned i trappa og viser den fine lilla fargen sin mot grå skifer. Sukk… :)

Mange små og store sommargleder altså! Håper du har hatt ein glad dag!

Ein blå boks – og twitter

Eg må berre vise dykk ein fin treboks eg fann på loppemarked i fjor, og som det tok nesten eit år å få malt. Det vil seie; det var vel ikkje malinga som tok eit år, men å somle seg til å gjere det.

Boksen ser ut til å vere heimelaga. Kanskje er det ein stolt skuleelev som ein gong har komt heim frå sløyden med den? Den var i utgangspunktet ubehandla og litt trist å sjå på, men eg synest den vart søt då den fekk nokre strøk med lys, lys blå maling. No står den og kosar seg mellom ein kaffeboks (som ikkje rommar kaffi, men brukte frimerker) og ein annan treboks, som husbonden laga i sine yngre dagar. :)

Og så må eg fortelje at eplabutikken min har fått twitterprofil, så no kan du følgje siste nytt frå Haust på Epla her.

Berre litt reklame…

 

Ei ny vimpelrekke har funne vegen til butikken min. :)

Sommarnytt

Det har lurt seg litt nye saker og ting heim til meg i det siste. For eksempel…

…ei herleg nål (kjøpt her) laga av Kristin med bloggen almaPalma…

 

- nåla får pryde ei av favorittveskene mine -

…ei fortryllande dørmatte i støypejern (eg er lei av dørmatter som takkar for seg etter kort tid!)…

…og litt pynt til bordet (skål frå Indiska, mugge frå Greengate). Og muggen kom i hus akkurat då årets første Louise Odier falda seg ut. A perfect match! ;)

Ellers er eg inne i ein skikkeleg lese-stim om dagen. Eg var på biblioteket og lånte ein stabel gode bøker forrige veke, og eg storkosar meg med å lese på kveldstid – langflat på sofaen og med kaffikoppen innan rekkevidde. Heilt nydeleg! Så no tar eg turen inn i bøkene mine igjen.

Fortsatt god søndagskveld! :)

PS! For dei som måtte vere interessert; her eine dagen la eg ut ei ny vimpelrekke i eplabutikken min, og fleire er undervegs - etterkvart.

Perfekt kombinasjon

Salt havluft og kaffe. ♥

Turbukett

I dag fekk eg gå meg ein ettermiddagstur heilt åleine. Eg putta pluggar i øyrene og lytta til musikk medan eg trakka over mose, lyng og fjøresteinar. Heilt nydeleg! På veg heim plukka eg sjølvsagt med nye lupinar til bordet.

Har du forresten prøvd å stikke nasen inn i ein kvit lupin? No i sommar oppdaga eg at dei kvite lupinane duftar, i motsetning til dei farga eksemplara.

Smakebitar av dagens turmusikk finn du her og her.

Juli

Eg kan ikkje forstå at vi alt er godt igang med juli månad! Kor vert tida av? Eg forstår heller ikkje at det er sju år sidan Vesla vår såg dagens lys, men slik er det, gitt! Dette vart feira i fleire omgonger no i starten av månaden.

 
Etasjefatet eg laga i fjor kom på bordet igjen. Det er heilt prima til muffinsservering, og ser ut til å verte ein del av gebursdagstradisjonane våre her i huset. :)

Og her er den første vimpelrekka eg sydde. Den kom på plass til barneselskapet i helga.

Utandørs bløtkakefest under parasollen…mmm!

Innimellom slaga vart det heldigvis tid til å gjere ingenting også. Å lakke tåneglar…

…og løyse kryssord er akkurat passe aktivitetsnivå når gradestokken nærmar seg 30 grader i skuggen.

Ja, for sjølvsagt må ein fiffe tåneglane når ein har fått seg nye sommarsandalar!

Og så spratt endeleg årets første rose (Hurdalsrosa) ut, nesten ein månad seinare enn i fjor!!! Det var på tide, og no skal rosene mine jammen nytast framover!

Ha ei god veke!