Dagens kaffe...

Eg prøver ut ulike sortar kaffe. Spanande! Oftast drikk eg vanleg filterkaffe (eller evt. ein latte laga med Bialettien og melkeskummar), men innimellom er det koseleg å skeie ut med fersk spesialkaffe til presskanna. Ein pose nykverna kaffe duftar himmelsk! Så langt er Blå Java ein favoritt, men den siste eg kjøpte, Monsoon Malabar, er heller ikkje verst når eg berre laga den sterk nok. Neste gong trur eg at eg vil prøve denne.

Har du ein kaffefavoritt?

Eg måtte berre...

...svippe innom Tante Bruun i dag. Eg var innom bloggen deira i går og såg at dei har fått inn saker og ting frå Pip Studio, og denne skjønne skåla måtte eg berre ha.


Fin, kva? :)


Og så har eg eit spørsmål til dykk på laurdagskvelden. Er det nokon av dykk som kan fortelje meg kva slags raring dette er? Vesla kom att med den frå fjøra her eine dagen, og eg har i alle fall aldri sett denne typen skjell før! Det minner litt om kamskjell i fasongen, men overflata er så rar (…og fin)! Hadde vore artig å finne ut kva det heiter. Marinbiolog, anyone? ;)

Ha ein finfin laurdagskveld!

Maikveld

Så godt det luktar ute etter ein forsommarregnskyll! Kvelden er kjøleg og stille, skyene løyser seg opp og blir borte, eg snusar inn sommaren på trappa eit augeblikk .

God natt! :)

Bobleblåsar

 

I ettermiddag var det nokon som kjeda seg litt her, og eg kom på at eg skulle plukke fram att eit leiketøy vi har laga sjølv. Eg hadde eit blogginnlegg om dette tidlegare, men eg trur det vart sletta då eg var i ferd med å avslutte bloggen min for eit par år sidan, så det skadar sikkert ikkje med ei reprise. Leiketøyet er noko så enkelt som ei avkappa brusflaske som er påmontert ein bit av ein frottéklut ved hjelp av strikk. Vi blandar ut litt sterkt Zalovatn i ein isboks, og så er det berre å dyppe bobleblåsaren i såpevatnet og setje igong med å blåse bobler. Laaange remser med bobler. Billeg og heimelaga moro! Og idéen fann eg her.

Altså...

...det er faktisk umogeleg å ikkje verte i godt humør av denne songen! ;)

Sol frå blå himmel!

Etter nokre grå dagar kom sola att! Eg og Minsten ryddar (?) og støvsugar litt før vi skal ut og nyte dagen.

Ynskjer deg ein herleg onsdag i slutten av mai!

I Haust-butikken...

Tenkte eg måtte fortelje at det er nye handlenett i butikken min igjen. Kanskje har du bruk for eit eksemplar til sommaren? Til å bere rekvisittar til badestranda for eksempel? Eller bok, smørbrød og drikkeflaske til late timar parken? Eller kanskje til grønnsaker eller blomstrar frå torget...?

Velkommen innom butikken min på Epla!

Laurdagslukke

Laurdagslukke: Å setje tennene i ei nysteikt svele som smeltar på tunga!

Oppskrift på MRF sine vidunerlege sveler finn du her.

Rett innfor døra

I yttergangen vår heng eit bilete eg er frykteleg glad i. Eg betalte ein blank tjuekronar for det i ein bruktbutikk for nokre år sidan, og sidan har det hatt hedersplass rett innfor inngangsdøra vår. Det er fleire grunnar til at eg er så glad i det. Reint estetisk glir det nydeleg inn i interiøret, og eg synest fargane er uslåeleg vakre. Det har også heilt perfekt størrelse til gangen vår. Men eg håper og trur at biletet også kan minne meg sjølv og andre som ser det der det heng, på kva som skal vere det viktigaste i livet mitt.

"Eg og mi ætt, vi vil tena Herren." Josva 24,15

Jammen vart det sommar!

Så herleg det har vore med ein sommardag! Ein dag med mange timar ute i sola, friske blomsterbukettar på bordet både ute og inne, middag på uteplassen og glade ungar på trampolina etter kveldsmaten. Dette er noko anna enn sluddbygene vi hadde for berre eit par-tre veker sidan! La gå at augene klør etter nærkontakt med bjørkepollen - eg nyt forsommaren likevel!

Ha ein fin forsommarkveld!

Og slik vart det.

Etter pussing, grunning og maling av spisebordet vårt, er dette resultatet. Det er jammen ein del arbeid å male eit slikt møbel, men eg synest det var verd innsatsen. Eg vert eigentleg meir og meir fornøgd kvar gong eg kastar eit blikk på det. Heldigvis. :)

Eit ekstra pluss er at dei fine bordbeina kjem litt ekstra fram no når dei er kvite. Er dei ikkje flotte? Legg også merke til dei fjonge og litt uvanlege støttebeina midt under bordet (du ser dei dersom du ser godt etter på det øvste biletet).

NO kan eg bruke bordet utan duk! :D

…og dersom du lurer på korleis det såg ut før (utan ileggsplate), ser du det til dømes her.

Så var det gjort for i år…

 

 
17. mai er snart over. Det vart dessverre regn, men bunaden har i alle fall fått lufta seg, eg har gått i tog, og eg har fortært pølser, brus og god dessert. Ein fin dag, med andre ord. Og spisebordet vart ferdig til 17. mai, men vi har ikkje tatt det i bruk enno. Best å la malinga herde litt først. Bilete kjem etterkvart. :)  

Ha ein fin kveld på nasjonaldagen!

Medan verda ute endeleg får farge...

...vert det forsyne meg kvitare inne hos meg! Eg har nemleg tatt målarkosten fatt og gått laus på spisebordet med kvit måling.

Eg har grubla lenge, lenge, lenge på om eg skulle måle eller ikkje. Den originale mørkebrune fargen var heilt super, og eg trivdest godt med den. Men dessverre var ileggsplatene ubehandla, og eg var difor avhengig av å bruke duk til eikvar tid. Og då er jo litt av vitsen borte. Eg var inne på tanken å prøve å behandle ileggsplatene med beis eller liknande for å få ein tilsvarande farge som resten av bordet, men det vart så komplisert å finne rette fargen at eg tilslutt bestemte meg for å gå for kvit måling. No håper eg berre at bordet tørkar skikkeleg til 17. mai, slik at vi kan bruke det på den store dagen. Hipp hurra! :)

Sykkelsesongen er endeleg i gang!

I dag fekk eg (eller rettare sagt mannen...) dratt fram sykkelen min og pumpa luft i dekka slik at eg kunne legge ut på årets første sykkeltur. Det var ingen kjempelang tur, men det var fint å bruke sykkel i staden for bil når eg skulle ut og gjere eit ærend. Eg er SÅ glad i den fine sykkelen min! :)

For glimrande sykkelinspirasjon; ta ein tur innom Copenhagen Cycle Chic.

Rykande fersk...

...rett frå hagen, kom denne nydelege påskelilja inn på stovebordet. Ho er knasande frisk og duftar av vår. Eg føler meg ikkje så verst frisk eg heller eigentleg, etter ein rask kveldsmarsj i skogen. På veg inn att stoppa eg altså og plukka med meg kvitveis og påskeliljer. NO kan eg jammen sige ned i sofaen med godt samvit! :)

Maihelg

- inne:

- ute:
 

Det har vore ei helg med sur vind, regn og sludd, men pyttsann - vi har jammen kosa oss likevel!

God søndagskveld!

There are...

...no orphans of God!

(Lytt til “Orphans of God” her.)

Morgonkaffi

I dag har eg kosa meg med årets første morgonkaffi på trappa! Litt kjøleg var det, men med sitjeunderlag av ull og eit pledd over beina gjekk det absolutt an! Så fekk eg nokre minutt med kaffien og sol på nasen medan Minsten pusla rundt meg med spann, spade og småstein.

Den tøffe koppen fekk eg forresten av ei god veninne til jul. Den ser ved første augekast ut som ein eingongskopp, men er laga av porselen (dobbel vegg) og har silikonlokk. Supersmart, stilig - og perfekt når eg vil ha med kaffien utfor døra! :)

Ha ein fin dag, håper du òg har sol der du er!

Det ER vår!

Det er kanskje ikkje så lett å tru det når eg ser ut vindauget der skodda ligg langt ned mot bakken og regnet nok ein gong går over i sludd. Eg tar ein stor jafs av det nysteikte rundstykket mitt, snur ryggen til vindauget og stirrar på ein optimistisk kvitkveis på kjøkkenbordet. Jauda, det ER vår!

Oioi...

Det er frykteleg å ha omgangssjuka! Siste dagane har eg vore som i ei skodde, men no har eg då komt meg såpass at eg faktisk har begynt å flytte rundt på pynten i stova igjen. Og då er det ikkje så ille lenger, med andre ord! :)

No nyt eg søndagen til liflege tonar av ein artist som var ny for meg; Melody Gardot. Takk for at du gjorde meg merksam på henne, Vibeke, dette var nydeleg musikk!

God søndag!