måndag, april 26, 2010

Tørke?

Ei bloggtørke kom brått og brutalt over meg, slik den brukar å gjere innimellom. Likevel knipsar eg trufast mine 365-foto, og håper at lysta til å blogge dukkar opp att snart. I mellomtida riggar eg meg til i sofaen med “Anne fra Bjørkely”, og med vårregn mot vindauget som bakgrunnsmusikk. Slett ikkje verst! :)

Ha ei god veke!

onsdag, april 21, 2010

Onsdagspyssel


Ei nålepute inspirert av vårsola har funne vegen til eplabutikken min i dag. :)

tysdag, april 20, 2010

Pausemusikk

Eg lyttar til Chopin. Dei nydelege tonane finn du her (Spotify).

laurdag, april 17, 2010

Laurdagsunderhaldning


Når sure regnbyger iblanda sludd piskar gjennom bygda ein laurdags ettermiddag i april, då må ein rett og slett lage seg litt underhaldning. Ei ladning kveitebollar med diverse innhald og pynt gjer susen og muntrar liten og stor! Skal seie det smakte!

fredag, april 16, 2010

Blomster til helga

Så spratt blomstrane på plommekvistane frå hagen ut akkurat i tide til helga! Perfekt! :)

God helg til deg!

torsdag, april 15, 2010

Det er faktisk heilt umogeleg...

...å plukke vekk pynten sjølv påska er slutt - for snart to veker sidan. Men påskeegga våre hang oppe fram til advent i fjor, så slik sett har eg vel god tid på meg enno. ;)

søndag, april 11, 2010

Blopp...

Å, så glad eg er i havet sine fargar! Turkis, blå, grøn, blågrøn, djup petrol, lys aqua...! I dag har eg hatt god anledning til å studere desse fargane, for vi har vore ein tur og helst på denne karen. Kjekt med ein roleg søndags ettermiddag på Atlanterhavsparken! Spesielt fascinert er eg over sildestimen som går i ein av tankane der; blinkande sølvfisk i flokk og fylgje, stadig på veg vidare gjennom turkis vatn. Utruleg vakkert!

Eg har hatt ein flott søndag, med andre ord! Kva har du brukt søndagen din til?

Sukkertøy i sofakroken...

10apr102

Våren har også gjort sitt inntog i sofakroken her i huset. For eit par veker sidan oppdaga eg bloggen rose hip, og dei nydelege putetrekka ho syr inspirerte meg til å sy nokre nye puter i sukkertøypastellar. Fint å ha noko vårleg å feste blikket på medan eg ventar på at plommekvistane på bordet skal sprette ut! :)

laurdag, april 10, 2010

Hos meg - akkurat no


Eg lar leiker, bøker og anna rot på golvet liggje i fred, eg berre latar som det ikkje finst. Ei kort stund er det heilt stilt i huset, og no er det berre eg, hekletøyet mitt, kaffien og ei lita reise rundt i koselege bloggar.

God laurdag til deg!

fredag, april 09, 2010

Mmm...


Karsen vi sådde i påska tyt opp av koppen sin, og er no på sitt beste. I morgon vert det brødskiver med egg og karse til frukost! Leverpostei og karse er også ein favoritt. Og så skal det visst vere grueleg sunt! Så då får vi berre trykkje i oss, med godt samvit! ;)

God helg!

torsdag, april 08, 2010

Loppelengsel


Eg kjenner at det kriblar i loppisnerven no når det er vår og loppesesong. Det er lenge sidan eg har vore på bruktjakt, og no trur eg snart at eg berre MÅ!

…og dagens illustrasjonsfoto er ei feiande flott korg eg fekk i presang ein gong, den var kjøpt til meg på loppemarked. :)

tysdag, april 06, 2010

Orkidé


Orkidéen er blitt nokså vanleg rundt omkring i alle heimar, og det er jammen ikkje rart at den er så populær! For ein og ein halv hundrelapp har ein eit vidunderleg blomsterflor som varer - og varer! (Dei flinke får dei til å blomstre att også, gode tips for å få det til vert mottekne med takk! ) Og den er då berre fantastisk vakker!


Eg har oftast brukt å kjøpe den kvite varianten, men denne gongen vart det ein med litt meir farge. Det trengst etter den lange, kvite vinteren vi har hatt! :)

PS! Eg brukar forresten å "sleppe laus" orkidéane mine, eg synest dei skal sleppe å stå fastklemt med ei klype inntil ein pinne. Dei er mykje flottare i fritt svev! ;)

måndag, april 05, 2010

Påskelitteratur


Det er kjekt med litt lesestoff når ein har ferie, så det passa bra at eg var så heldig å få eit gåvekort i Bokklubben i god tid før påske. Eg skunda meg å bestille ei av bøkene i ønskelista mi (eg har ei laaang ønskeliste liggjande på capris.no!), og den har eg kosa meg med innimellom no i påskedagane.

Boka heiter "the comforts of home", og er berre nydeleg. Den er ei inspirasjonsbok som skal gi idear til korleis ein gjere heimen koseleg og komfortabel - utan å måtte blakke seg. Akkurat slik eg likar det! ;) Nokre av bileta har eg sett før, men ikkje så mange at eg synest det er plagsomt. Og eg blir i alle fall inspirert, både av tekst og bilete!


Den lille buketten som står på kjøkkenbordet vårt vart levert til meg av ei barnehand i går, og må vel absolutt seiast å vere heilt i tråd med bodskapen i den nye boka mi! Heilt gratis, og med massevis av sjarme! :)

søndag, april 04, 2010

Påskedag: Jesus er kongen min


Jesus er Kongen min, Guds barn jeg er.
Og om jeg liten er, har han meg kjær.
Han tok meg i sin favn, døpte meg i sitt navn.
Jesus er Kongen min, Guds barn jeg er.

Jesus er Kongen min, mektig og god.
Jeg er hans eiendom, kjøpt med hans blod.
Hender og føtter små, allting skal Jesus få.
Jesus er Kongen min, mektig og god.

Jesus er Kongen min, kjemper med meg
mot alle fiender på livets vei.
Alltid han sterkest er, fyrsten for rikets hær.
Jesus er Kongen min, kjemper med meg.

Jesus er Kongen min, ham vil jeg tro.
Hos ham i herlighet skal jeg få bo,
dele hans rikes glans, for jeg er evig hans.
Jesus er Kongen min, ham vil jeg tro.

Jesus er Kongen min. Si, er han din?
Alle skal kjenne ham. Frelseren min.
Barn i fra alle land til Jesus komme kan.
Jesus er Kongen min. Si, er han din?

Anna Jonassen 1928

Dersom du har Spotify, kan du høyre songen (eller i alle fall 1. vers) her.

laurdag, april 03, 2010

Vårteikn

- Inne: Duft av nysådd karse.

Ute: Tørr asfalt under nye skosålar.

Ynskjer deg ein god påskeaftan!

torsdag, april 01, 2010

Klassiske påskeingrediensar:


- smilande minipåskeliljer på frukostbordet


- skitur i fjellet (inkludert pølser kokt på stormkjøkken - og påskemarsipan!)

Eg har hatt ein prima skjærtorsdag. :)