tysdag, september 29, 2009

Roser sist i september


Eg vert stadig imponert over kor takknemlege enkelte vekster kan vere. Her eine dagen var det eine epletreet vårt som fekk eit skryteinnlegg i bloggen av den grunn, i dag må eg legge inn eit par bilete av roser frå hagen vår no i slutten av september.  Her har dei stått - i søkkvåt jord, (lite gjødsel her òg...) regn, hagl og vind - i  vekesvis - og enda takkar dei oss med knoppar som foldar seg ut til dei vakraste, duftande blomstrar, til glede for oss som går forbi. Kanskje har vi noko å lære av plantene i hagen vår? :)


Den øvste rosa er Louise Odier, nummer to er Heritage.


Så fekk eg spørsmål om eg likar boka eg skreiv om i forrige innlegg; "Handmade home", og eg må seie at eg synest ho er inspirerande. Det er ikkje alle prosjekta som treff meg heilt, men nokre av dei har eg lyst til å prøve meg på. Eit av prosjekta har eg alt laga, nemleg ei hue til meg sjølv, sydd av ein krympa ullgenser. Raskt, smart og stilig! Noko av det eg likar best med boka, er at Amanda har skrive koselege tekstar innimellom prosjekta, og ho gir gode råd når ein vil handle brukte tekstilar og utstyr til kreative prosjekt. Så alt i alt synest eg absolutt boka er verd sine 132 kroner på Capris. ;)

måndag, september 28, 2009

Grå måndag ute...



...gir desto meir grunn til å verkeleg kose seg inne! Ikkje sant? I dag kosar eg meg med tende lys, kaffi og den siste boka til SouleMama. Så kan det berre regne, for min del! :)

søndag, september 27, 2009

Wow!


420 gram må vel vere bra for eit eple, når ein tek i betraktning at det stakkars treet det hang på berre er eit par meter høgt, har fått minimalt med gjødsel i år og knapt har sett sol sidan mai!

Og godt smakte det, også!

torsdag, september 24, 2009

Litt av kvart ein torsdag...

Eg må vise dykk årets gebursdagspresang frå mamma og pappa: ein nydeleg spegel! Eg var eigentleg tenkt å ha den på badet, men så "landa" han midlertidig i stova, og der trur eg jammen han skal få vere ei stund. Eg likar måten spegelen lagar eit rom i rommet!

Her er også noko nytt; ein stabel nye stoff "from over there". Eg syr mykje for tida, og då må det fyllast på med nye materiale å lage av. Det er nesten som julaftan å åpne ein slik pakke og kjenne på det mjuke, glatte stoffet! :)

...og denne fjonge handleposen min er på plass i Buda mi!

Ha ein god torsdag...

onsdag, september 23, 2009

Giveaway hos Duften av Erteblomster!

Eg fekk spørsmål om å vere med og donere eit produkt frå Buda mi til den store feiringa som er igong inne hos Duften av erteblomster, og det hadde eg lyst til! Dette skriv ho i bloggen sin:

I anledning at jeg har passert 100000 besøk her inne på bloggen min så ønsker jeg å feire med en STOR giveaway! Alt du trenger å gjøre er å kopiere dette innlegget og publisere det inne på din egen blogg :) Vinnerne blir trukket ut førstkommende søndag, lykke til venner!


Disse herlige bloggerne som du kan se under her har bidratt med hver sin gave i denne anledningen og jeg kommer til å lage et innlegg her inne denne uken om hver og en av dem slik at dere kan bli bedre kjent med dem.

unni strand med strand redesign


monome smykkedesign


klinkekulen ved katrine kalleklev


kasparas salgsblogg


buda mi- haust sin lille butikk


snøstorm


urban retro med urban retro-shop

søndag, september 20, 2009

Ei god helg

...inne:


...og ute:







Helga mi vart akkurat slik eg ynskte. Håper du har hatt ei like fin helg som eg har hatt!

fredag, september 18, 2009

Helg!




Fredag ettermiddag. Ingen lekser som skal fylgjast opp, ingen storslagne planer for helga. Berre tid og lyst til å ta ting som dei kjem. Nydeleg! 

Nyt helga du òg!

torsdag, september 17, 2009

Oldemor sitt servise


Eg er så glad i dette serviset, og vi brukar det berre til best. Eg synest det meste av det vi eig skal kunne brukast til dagleg, men samtidig er det stas å ha eit servise som set ein ekstra spiss på spesielle dagar og anledningar. I går fylte eg 33 år, og då måtte desse koppane fram. I dag gler eg meg til å ete resten av kaka til ettermiddagskaffien. Nam! :)
Lilla



Ei rask lilla oppdatering i dag òg, med denne nye handleposen eg har sydd til Buda mi. :)

tysdag, september 15, 2009

Presskannevarmar i Buda mi...



Er berre ein snartur innom bloggen igjen for å seie frå om at det no ligg ein splitter ny presskannevarmar i buda mi og ventar på å bli kjøpt av nokon! :)
Haust hos Haust ;)




Her er eit lite knippe bilete frå dei siste dagane. Endeleg strålar sola frå blå hausthimmel. Vidunderleg!

Det siste biletet viser den første lille skapningen eg laga med filtenål. Eg hadde eigentleg bestemt meg for at nålefilting sikkert ikkje var noko for meg (...skeptisk!). Men ei veninne var så entusiastisk at eg vart nysgjerrig på å prøve, og med instruksjon frå Pickles i bakhovudet, vart denne fyren til. Og det var berre kjekt! No har eg laga fleire små figurar som skal verte nøkkelringar. Og om natta drøymer eg at eg nålefiltar! Hehe...

Skulle elles ynskje at det gjekk an å sende duft via internett, då skulle de fått kjenne kor fantastisk det duftar av kaffien eg drikk om dagen! Franskbrent espresso i presskanne...mmm!!!

Ha ein fin dag!

Logo!


Hurra, eg har fått meg logo! Er den ikkje fin? Det er kjempeflinke CraftPudding som har laga den for meg. Ho laga også eit stempel med logoen min på, så no kan eg merke alle varer eg lagar med fine merkelappar. :)

Ta gjerne turen innom Buda mi.

laurdag, september 12, 2009

Lys

Det har vore litt mørkt i sofakroken vår nokre dagar, etter at Minsten brukte golvlampen som klatrestativ med total mørklegging som fylgje. *knis* Eg har ikkje akkurat massevis av golvlampar på lager, så her måtte det tenkjast kreativt. I eit kott hadde eg ein skrivebordslampe frå eit loppemarked liggjande, denne har no fått nytt liv som stovebelysning. Og det vart akkurat passe snodig og triveleg! :D No kan eg altså både strikke og lese på kveldstid att. Fine greier!

God laurdag!

fredag, september 11, 2009

Frå Kathrin

Det å vere ein del av dette kjekket bloggsamfunnet fører mykje kjekt og uventa med seg. Forrige veke fekk eg ein kommentar frå Kathrin. Ho hadde ryddesjau på gang, og hadde funne eit par bøker som ho trudde eg kunne ha glede av, og som ho ville sende til meg. Då eg nokre dagar seinare kunne åpne pakken frå Kathrin, låg det altså to kjekke, inspirerande bøker der, og eg fekk også ei nydeleg nålepute i ekte "Dans på roser"-stil!

Som sagt har det vore ein del sjukdom her i huset i det siste, og dette var verkeleg ei oppmuntring midt i all elendigheita! Tusen, tusen takk, Kathrin! :)

Og har du ikkje besøkt den inspirerande bloggen hennar enno, så anbefalar eg verkeleg at du tek turen innom! :)

onsdag, september 09, 2009

På guterommet



Vi har flytta litt rundt på diverse møblar, og dermed fekk Storebror seg nytt (evt. gamalt) arbeidsbord. Eit bord, ein stol, ein god lampe og ein boks med nye fargeblyantar er igrunn alt som skal til for å skape eit hjørne som inviterer til å setje seg ned og arbeide. I alle fall får eg lyst til å slå meg ned her! ;)

Kartet er eit loppefunn frå nokre år tilbake, det same er lampen. Bordet har eg funne i ei grøft, og boksen var det eingong fruktcoctail i. Ja til gjenbruk! :)
Lyspunkt

Vinden plystrar rundt hushjørna, regnet piskar mot vindauga. Berre i korte augneblikk viser sola som ein kraftig lyskastar gjennom skyene - før alt er grått att. Eg syntest det var på tide å få på plass att lysslynga i stova vår, så vert dagen litt mindre dunkel.

måndag, september 07, 2009

Dvalemodus

No har vi faktisk stabla oss på beina att, men det har ikkje vore spesielt mykje fres over oss siste veka. Influensaen inntok heimen, og dei fleste av oss har hatt mest lyst til å gjere slik som katten...

...krølle oss saman og sooooove.

Men eg har då putla litt innimellom - i slow motion. Eg vart så inspirert av Kathrin her om dagen, og følte behov for å "rensa lite i røran" her òg. Og eg synest det passa bra å ta eit djupdykk i stabelen med interiørblad som hadde hauga seg opp i påvente av at eg skulle rive ut det eg vart mest inspirert av og kaste resten.

Permar smekkfulle av interiørgodis er løn for strevet.

Då Vesla kom seg til att etter sjuka, var ho klar for leik og moro igjen. Og finst det noko kjekkare enn å leike Leila? Eg og Vesla leikar Leila rett som det er, vi, vi snakkar svensk så det susar og bakar "Rocky road" og "kladdkaka" og synest det står til! ;)

Etter at vi har baka svenske liksomkaker passa det fint med ei pause for å smake på handlaga sjokolade som husbonden hadde kjøpt til meg. Mmmm!

Ha ei god veke (og hald dykk friske)!